ریاض(این این آئی)سعودی عرب میں پاکستان کے سفارتخانے نے پاکستانیوں کیلئے معلومات کیلئے فون کالز سے متعلق انتباہ جاری کردیا۔میڈیارپورٹس کے مطابق سعودی عرب میں پاکستانی سفارتخانے کی جانب سے جاری بیان میں کہا گیا کہ سعودی عرب میں مقیم پاکستانیوں کو خبردار کیا جاتا ہے ایسی کالز پر توجہ نہ دیں جس میں ذاتی معلومات یا اکاؤنٹ نمبر طلب کیا جائے۔سفارتخانے نے کہا کہ معلومات دینے والے شخص کو مالی نقصان بھی پہنچ سکتا ہے۔پاکستانی سفارتخانے کے مطابق یہ کالز منظم گروہوں کی جانب سے کی جا رہی ہیں اور وزارت داخلہ سے ان کا کوئی تعلق نہیں ہے۔