آسٹریلیا کے سیریز ختم کرنے پرافغان کرکٹر نے احتجاجاً بگ بیش لیگ چھوڑ دی

کابل (این این آئی)افغانستان کے کرکٹر نوین الحق نے احتجاجاً بگ بیش لیگ (بی پی ایل ) چھوڑ دی۔غیر ملکی میڈیا کے مطابق افغان کرکٹر نوین الحق نے کہا کہ اب یہ کہنے کا وقت آگیا ہے کہ بگ بیش لیگ میں حصہ نہیں لوں گا۔انہوں نے کہا کہ جب تک کرکٹ آسٹریلیا بچگانہ فیصلے ختم نہیں کریگا ،بی بی ایل میں شرکت نہیں کروں گا، پہلے واحد ٹیسٹ میچ سے پیچھے ہٹے اور اب ون ڈے سیریز سے دستبردار ہوگئے۔انہوں نے کہا کہ ایسا ملک جسے سپورٹ کی ضرورت ہے آپ ان سے خوشی کی وجہ واپس لے رہے ہیں۔واضح رہے کہ طالبان کی جانب سے خواتین پر پابندیوں کو جواز بناتے ہوئے آسٹریلیا نے افغانستان کے خلاف ون ڈیکرکٹ سیریز کھیلنے سے انکار کر دیا ہے۔کرکٹ آسٹریلیا کے مطابق آسٹریلیا اور افغانستان کے درمیان ون ڈے سیریز مارچ میں ہونی تھی تاہم آسٹریلیا افغانستان کے خلاف ون ڈے سیریز سے دستبردار ہو گیا ہے۔