پشاور(این این آئی)پی آئی اے کے جہازمیں فنی خرابی، جدہ ایئر پورٹ پرسینکڑوں پاکستانی عمرہ زائرین 48 گھنٹوں سے پھنسے ہوئے ہیں۔مسافروںکے مطابق کوئی پوچھنے والا نہیں، پی آئی اے والے ٹائم پر ٹائم دے رہے ہیں، ائر پورٹ پر تعینات پی آئی اے کا
سٹاف اپنام کاونٹربھی خالی چھوڑ کر غائب ہیں۔قومی ائر لائن پی آئی اے کے جہاز میں خرابی کے باعث گزشتہ 48 گھنٹوں سے سینکڑوں پاکستانی زائرین جدہائر پورٹ پھنسے ہوئے ہیں جن میں خواتین ،بچے اور معمر افراد شامل ہیں ۔ زائرین نے کہاکہ کوئی پوچھنے والا نہیں، پی آئی اے والے ٹائم پر ٹائم ے رہے ہیں ،تاحال کوئی انتظام نہیں ہوا،سینکڑوں زائرین زمین پر بیٹھے ہوئے ہیں، سعودی حکومت نے بھی زائرین کوکوئی سہولت فراہم نہیں کی،پی آئی اے والوں نے پوچھاہی نہیں،ایک جہاز جدہ ائر پورٹ پر کھڑا ہے مگر کچھ بتایانہیں جاتا،خدارا پاکستانی حکام ہمارا نہیں تو خواتین ،بچوں اور معمر افراد کا کچھ خیال کر لیں۔زائرین نے کہاکہ جدہ ائر پورٹ پر تعینات پی آئی اے کاسٹاف اپنام کاونٹر بھی خالی چھوڑ کر غائب ہیں۔اس حوالے سے پی آئی اے حکام نے بتایاکہ جہاز میں فنی خرابی ہے،ٹھیک ہوتے ہی فلائٹ روانہ ہوجائے گی ،جدہ فلائٹ موسم کی خرابی کے باعث اب پشاورکی بجائے اسلام آبادجائے گی۔
