کراچی (این این آئی)پاکستان کرکٹ ٹیم کے کپتان اور انتظامیہ نے نیوزی لینڈ کے خلاف دوسرے ایک روزہ میچ میں بھی نائب کپتان شان مسعود کو نہیں کھلایا ۔ذرائع کے مطابق پاکستان ٹیم کو حتمی شکل کپتان بابر اعظم، ہیڈ کوچ ثقلین مشتاق اور چیف سلیکٹر شاہد آفریدی نے دی یاد رہے کہ پاکستان نے پہلے ون ڈے میں نیوزی لینڈ کو 6 وکٹوں سے شکست دی تھی۔ذرائع کے مطابق تیسرے ون ڈے میں شان مسعود کی ٹیم میں شمولیت کا امکان ہے، تیسرے ون ڈے میں فاسٹ بولرز کو آرام دیکر محمد حسنین اور شاہ نواز دہانی کو بھی موقع دیا جا سکتا ہے۔