لاہور ( این این آیء) پاکستان کرکٹ ٹیم کے کپتان بابر اعظم اور بھارتی کرکٹر ویرات کوہلی کا ایک مرتبہ پھر سوشل میڈیا پر موازنہ کیا جارہا ہے۔سوشل میڈیا صارفین نے بابر اعظم کا 2020 ء میں کھیلا گیا وہ شاٹ ڈھونڈ نکالا جو بھارتی کرکٹر ویرات کوہلی نے 2022ء کے ٹی ٹونٹی ورلڈ کپ میں کھیلا تھا۔سوشل میڈیا صارفین کا دعویٰ ہے کہ ویرات کوہلی نے جو شاٹ حارث رئوف کی گیند پر مارا تھا وہ بابر اعظم ان سے 2 سال پہلے ہی کھیل چکے تھے۔حیرت کی بات ہے دونوں بیٹرز نے فاسٹ بولرز کے خلاف ایک ہی طرح کھیلے گئے شاٹس پر چھکا مارا۔واضح رہے کہ ٹی ٹونٹی ورلڈ کپ میں ویرات کوہلی نے حارث رئوف کے 19ویں اوور میں 2 چھکے لگائے تھے۔