کراچی (این این آئی)پاکستان مسلم لیگ فنکشنل سندھ کے جنرل سیکریٹری سردار عبدالرحیم سے ڈسٹرکٹ ملیر سینٹرل اور دیگر علاقوں سے پیپلزپارٹی ایم کیو ایم پاکستان اور مختلف سیاسی جماعتوں کے رہنماں اور کارکنان محمد صلاح الدین جاوید علی محمود رضا اور دیگر نے فنکشنل لیگ ھاس میں
ملاقات کرکے پاکستان مسلم لیگ فنکشنل میں شمولیت کا اعلان کیا اس موقع پر فنکشنل لیگ سندھ کے جنرل سیکریٹری سردار عبدالرحیم نے شمولیت اختیار کرنے والوں کا خیر مقدم کرتے ہوئے کہا کہ پیر صاحب پگارا کا واضع پیغام اور نعرا ہے متحد سندھ مضبوط پاکستان اگر سندھ کی عوام متحد ہوگی تو پاکستان ترقی کرے گا انہوں نے کہا کہ پاکستان مسلم لیگ فنکشنل عوام کی نمائندہ سیاسی جماعت ہے جس کے دروازے تمام مکاتب فکر اور سیاسی پارٹیوں کے کارکنان کے لیے کھلے ہوئے ہیں ، آئے روز عوام اور مختلف سیاسی کارکنوں کی فنکشنل لیگ میں شمولیت فنکشنل لیگ کی قیادت پر اعتماد کا اظہار ہے ، انہوں نے مزید کہا کہ کراچی شہر کے وسائل دونوں ہاتھوں سے لوٹے گئے ہیں ، ہر طرف لاقانونیت کا راج ہے ، شہری ڈاکوں سے محفوظ نہیں شہر کی ترقی خوشحالی کے لیے کراچی کی عوام فنکشنل لیگ کے سربراہ پیر صاحب پگارا کے ہاتھ مضبوط کریں ۔ سردار عبدالرحیم نے مزید کہا کہ کراچی کی عوام اعتماد کرتے ہوئے ہونیوالے بلدیاتی انتخابات میں جی ڈی اے کے امیدواروں کو اپنا قیمتی ووٹ دیکر کامیاب کرکے چوروں لٹیروں اور کرپٹ ٹولے سے نجات حاصل کریں انہوں نے کہا کہ کارکنان اپنا عوام سے رابطہ رکھیں اس موقع پر فنکشنل لیگ کے رہنما ذاکر علی پٹنی رانا سہیل اور دیگر رہنما موجود تھے۔
