اسلام آباد (این این آئی)یورپی یونین پاکستان کو 8 کروڑ 70 لاکھ یورو فراہم کرے گا۔وزارت اقتصادی امور اسلام آباد سے جاری شدہ جاری اعلامیہ کے مطابق یورپی یونین یہ رقم پاکستان میں سبز اور جامع معاشی نمو کیلئے بطور تعاون فراہم کرے گی۔مالی اعانت کے اس معاہدے پر یورپین یونین کی جانب سے اس کی پاکستان میں سفیر ڈاکٹر رینا کیونکا اور پاکستان کی جانب سے سیکٹری اکنامک افیئرز ڈویژن کاظم نیاز نے دستخط کیے۔یورپین یونین کے مطابق وہ پاکستان میں سبز اور جامع اقتصادی ترقی کی بھر پور حمایت کا اعادہ کرتا ہے۔اعلامیہ کے مطابق یہ مالی اعانت پاکستان میں سیلاب کے بعد اقتصادی بحالی کے لیے نئے ترقیاتی پروگراموں پر خرچ کی جائے گی۔