اسلام آباد(این این آئی)مارکیٹنگ کمپنیز نے لیکوئیڈ پیٹرولیم گیس (ایل پی جی)کی قیمت میں 50روپے فی کلو اضافہ کردیا ۔اضافے کے بعد ایل پی جی کی قیمت 250روپے کلو تک پہنچ گئی ہے جبکہ اوگرا نے جنوری کیلئے قیمت 204روپے فی کلومقررکی ہے۔ایل پی جی کی قیمت اضافے کے بعد گھریلوسلنڈر3,000روپے، کمرشل سلنڈر 11,350تک پہنچ گیا۔چیئرمین ڈسٹری بیوٹرزایسوسی ایشن عرفان کھو کھر نے کہاکہ من مانی قیمت پرایل پی جی فروخت کیا جارہا ہے قیمت کنٹرول کی جائے۔چیئرمین عرفان کھو کھر نے کہا کہ مافیا کے خلاف ایکشن نہ لیا گیا تو احتجاج کریں گے۔

موضوعات:ایل پی جی