راولپنڈی (این این آئی)قومی کرکٹر سہیل تنویر نے پاکستان کے سابق کپتان یونس خان کو بیٹے کی پیدائش کے چار سال بعد مبارکباد پیش کی جس کے بعد سوشل میڈیا صارفین نے ٹرولنگ شروع کردی۔گزشتہ دنوں یونس خان کی 2018 میں کی گئی ٹوئٹس کچھ سوشل میڈیا اکاؤنٹس نے شیئر کیں اور یہ دعویٰ کیا کہ کرکٹر کے ہاں بیٹے کی پیدائش ہوئی ہے ، یہ تصاویر چار سال پرانی تھیں۔یونس خان نے بتایا تھا کہ ان کے ہاں دوسرے بیٹے کی پیدائش ہوئی ہے لیکن اب سہیل تنویر نے ٹوئٹ شیئر کرتے ہوئے انہیں مبارکباد پیش کی جو وائرل ہوگئی۔سوشل میڈیا صارفین نے سہیل تنویر کی ٹوئٹ پر دلچسپ تبصرے کیے، کسی نے ان کے وائی فائی کو سلو کہا تو کوئی یہ کہتا رہا کہ انہوں نے سرکاری وائی فائی پی ٹی سی ایل لگوایا ہوگا تبھی مبارکباد کی ٹوئٹ اب پوسٹ ہوئی۔