اسلام آباد(آئی این پی)دائودی بوہڑہ جماعت کے ترجمان شیخ منصور علی گزشتہ شام 78 سال کی عمر میں انتقال کر گئے ۔ اُن کی نماز جنازہ سیفی مسجد راولپنڈی میں ادا کی گئی جس میں مرکزی امام حسین کونسل کے چیئرمین ڈاکٹر غضنفر مہدی ،سابق وفاقی وزیر محمد اعجاز الحق سمیت تمام مکاتب فکر کے سینکڑوں افراد نے شرکت کی۔ دائودی بوہڑہ جماعت کے سربراہ حضرت مفّدل سیف الدین اور دائودی بوہڑہ جماعت پاکستان کے ترجمان کمیل بھائی نے اتحاد امت کے لئے منصور علی بھائی کی پچاس سالی خدمات کو سراہتے ہوئے مرحوم کی مغفرت اور لواحقین کے لئے دعائے صبر جمیل کی ۔ انہوں نے ان کے صاحبزادو ں عبدالحسین ،یوسف علی اور محمد سے خصوصی طور پر اظہار تعزیت کی ۔