اسلام آباد (مانیٹرنگ ڈیسک)اسحاق ڈار کے وفاقی کابینہ میں انٹری اور وزیر خزانہ کے حلف اٹھانے کے بعد معاشی ٹیم میں اہم تبدیلیوں کا فیصلہ کیا گیا ہے جس کے مطابق ایف بی آر اور وزارت خزانہ میں اہم تبدیلیاں کی جائیں گی۔ وزیر خزانہ کے سپشل اسسٹنٹ کو تبدیل کیا جا ئے گا۔ جبکہ وزیر مملکت برائے خزانہ ڈاکٹر عائشہ غوث پاشا سے بھی قلمدان واپس لیے جانے کا امکان ہے۔نجی ٹی وی کے مطابق وزارت خزانہ کے ذرائع کے مطابق سیکرٹری وزارت خزانہ حامد یعقوب شیخ کو تبدیل کیا جائے گا جبکہ ایف بی آر میں وزیراعظم کے معاون خصوصی برائے محصولات کی بھی تعیناتی کا امکان ہے۔معاون خصوصی برائے محصولات کیلئے ن لیگ دور کے سابقہ سینئر افسر کا نام سرفہرست ہے، وزیر خزانہ کے سپیشل اسسٹنٹ کو بھی تبدیل کرتے ہوئے قمر سرور عباسی کو دوبارہ سپیشل اسٹنٹ مقرر کرنے پر غور ہو رہا ہے۔

موضوعات:اسحاق ڈار