مظفرآباد(این این آئی) ٹیکسٹ بک بورڈ نے ایف اے کے سلیبس سے سیرت النبی ؐ کا سبق نکال دیا،ریاست بھر کے علما سراپا احتجاج،وزیراعظم آزادکشمیر سے فوری نوٹس لیتے ہوئے ذمہ داران کے خلاف کاروائی کا مطالبہ،تفصیلات کے مطابق آزادجموں وکشمیر
ٹیکسٹ بک بورڈ نے نیا تعلیمی سلیبس تشکیل دے کر مارکیٹ بھیج دیا ہے،نئے سلیبس کی قیمتیں پنجاب ٹیکسٹ بک بورڈ سے دوگنی ہونے کے علاوہ انتہائی غیر معیاری اسباق شامل کر کے نئی نسل کو گمراہ کرنے کی ٹھان لی،سال اول اردو میں سے سالہا سال سے رائج سیرت النبیؐ کا سبق بھی نکال دیا گیا اور غیر متعلقہ اور غیر معیاری مضامین شامل کر دیے گئے جس پر ریاست بھر کے علما سراپا احتجاج ہیں،سول سوسائٹی اور علما کرام نے وزیراعظم سے صورتحال کا نوٹس لیتے ہوئے ذمہ داران کے خلاف فوری کاروائی کا مطالبہ کیا ہے،قبل ازیں سال اول میں پہلا سبق اسوہ حسنہ کے نام سے شامل تھا جس کے مصنف سید سلیمان ندوی تھے،لیکن اب نئے سلیبس میں اسوہ حسنہ کے بجائے سر سید احمد خان کو شامل کیا گیا،اس انتہائی اقدام پر شہریوں نے شدید تشویش کا اظہار کرتے ہوئے ذمہ داران کے خلاف کاروائی کا مطالبہ کیا ہے۔ آزادجموں وکشمیر ٹیکسٹ بک بورڈ نے نیا تعلیمی سلیبس تشکیل دے کر مارکیٹ بھیج دیا ہے،نئے سلیبس کی قیمتیں پنجاب ٹیکسٹ بک بورڈ سے دوگنی ہونے کے علاوہ انتہائی غیر معیاری اسباق شامل کر کے نئی نسل کو گمراہ کرنے کی ٹھان لی
