نبیل گبول کا لیاری سے عمران خان کی ضمانتیں ضبط کرانے کا اعلان

کراچی (این این آئی)کراچی کے حلقہ این اے 246 لیاری سے پیپلزپارٹی کے امیدوار نبیل گبول نے کہاہے کہ

اس حلقے سے عمران خان کی ضمانت ضبط ہو گی۔خصوصی گفتگوکرتے ہوئے نبیل گبول نے کہا کہ

لیاری سے عمران خان کے کاغذات نامزدگی منظور ہونے پرخوش ہوں، 2018 کے بعد سے لیاری کی خواہش تھی

عمران خان کو ہرانا ہے میری بھی خواہش تھی عمران خان خود لڑیں کیونکہ اب وہ سلیکٹڈ نہیں ہیں۔

نبیل گبول نے کہا کہ پی پی نے لیاری سے مجھ پر اعتماد کیا ہے اس حلقے سے عمران خان کی ضمانت ضبط ہوگی۔

انہوں نے کہا کہ لیاری میں ہم نے تاریخی کام کیے ہیں بارش تو پورے کراچی میں ہو رہی ہے اس لیے برا حال ہے بارشوں کی وجہ

سے سیوریج اور سڑکوں کے مسائل حل نہیں ہو رہے جیسے ہی بارشیں ختم ہوں گی تو آپ مسائل حل ہوتے دیکھیں گے لوگ جانتے ہیں کہ ہم کام کر رہے ہیں۔

موضوعات:نبیل گبول