لاہور( این این آئی)تحریک انصاف کے رہنما فیاض الحسن چوہان کی ذمہ داریوں میں تبدیلی کردی گئی، ترجمان پنجاب حکومت کا نوٹیفکیشن واپس لے کر وزیراعلی پنجاب کا ترجمان مقرر کردیا گیا۔ہفتہ کے روز جاری ہونے والے پہلے نوٹیفکیشن کے مطابق فیاض الحسن چوہان کو ترجمان پنجاب حکومت اور ڈائریکٹوریٹ جنرل پبلک ریلیشنز کے معاملات کی ذمہ داری سونپی گئی تھی لیکن اب نیا نوٹیفکیشن جاری کر کے انہیں وزیراعلی پنجاب کا ترجمان مقرر کیا گیا ہے۔پارٹی رہنما عمر سرفراز چیمہ مشیر اطلاعات کی ذمہ داریاں سرانجام دیں گے، ڈی جی پی آر کے معاملات بھی عمر سرفراز چیمہ دیکھیں گے۔