راولپنڈی (مانیٹرنگ ڈیسک) عمران خان اور ان کی پارٹی کے سینئر رہنما بدھ کو بلوچستان کے ہیلی کاپٹر سانحے میں شہید ہونے والے کور کمانڈر کوئٹہ لیفٹیننٹ جنرل سرفراز علی، ڈی جی کوسٹ گارڈ میجر جنرل امجد حنیف شہید اور کمانڈر انجینئرز کور 12؍ بریگیڈیئر محمد خالد شہید
کی نمازِ جنازہ کے موقع پر غائب تھے۔روزنامہ جنگ میں صالح ظافرکی شائع خبر کے مطابق عمران خان اسلام آباد میں تھے اور انہوں نے ایک دن قبل ہی دعویٰ کیا تھا کہ شہید کور کمانڈر سرفراز علی خان ان کے دوست تھے لیکن پھر بھی وہ ان کی نمازِ جنازہ میں نہیں گئے۔ اس موقع پر وزیراعظم شہباز شریف، چیئرمین جوائنٹ چیفس آف اسٹاف کمیٹی لیفٹیننٹ جنرل ساحر شمشاد مرزا، کور کمانڈر پشاور لیفٹیننٹ جنرل فیض حمید، نئے مقرر ہونے والے کور کمانڈر کوئٹہ لیفٹیننٹ جنرل آصف غفور، دیگر فوجی کمانڈرز، وزیر دفاع خواجہ آصف، چیئرمین سینیٹ، وفاقی وزراء، وزیراعظم آزاد جموں و کشمیر، جے یو آئی آئی رہنما غفور حیدری، سینیٹر شبلی فراز، ریٹائرڈ فوجی اور سویلین افسران، شہداء کے رشتہ دار اور دیگر شخصیات ریس کورس گرائونڈ میں موجود تھیں۔ آرمی چیف جنرل قمر باجوہ نے شہداء کے اہل خانہ کو قومی پرچم پیش کیا۔ شہداء کو مکمل فوجی اعزاز کے ساتھ آرمی قبرستان میں سپرد خاک کیا گیا۔
