اسلام آباد (مانیٹرنگ ڈیسک)آئی ایم ایف کی جانب سے پاکستان کے لیے قرض بحالی سے متعلق مثبت پیغام سامنےآنے کے بعد انٹر بینک میں امریکی  ڈالر کی قیمت مسلسل گر رہی ہےجس  کے بعد پائونڈ اور یورو کی قیمتیں بھی گرنا شروع ہو گئی ہیں۔

میڈیا رپورٹس کے مطابق وزیر خزانہ اور اسٹیٹ بینک کی معاشی استحکام کی یقین دہانیوں کے باعث انٹر بینک مارکیٹ میں ڈالر کی قدر میں کمی کا سلسلہ جاری ہے۔انٹر بینک میں ڈالر 10 روپے 38 پیسےسستا ہو گیا، فاریکس ڈیلرز ایسوسی ایشن کے مطابق انٹر بینک میں ڈالر 228 روپے پر فروخت ہو رہا ہے جبکہ اوپن مارکیٹ  میں بھی ڈالر کی قمیت میں 12 روپے کمی دیکھی گئی ہے جس کے بعد امریکی کرنسی اوپن مارکیٹ میں 229 روپے پر ٹریڈ کررہی ہے۔دوسری جانب پائونڈ کی قیمت 292روپے سے کم ہو گئی ہے ۔ اس کے علاوہ یورو کی قیمت بھی 244 سے بتدریج کم ہونا شروع ہو گئی ہے ،معاشی ماہرین نے روپے کی قدر میں حالیہ بہتری کو پاکستانی معیشت کیلئے مثبت قرار دیا ہے ، جس سے پاکستانی قرضوں میں بھی نمایاں کمی آئے گی ساتھ ہی مہنگائی میں بھی کمی متوقع ہے ۔آنے والے دنوں میں بہتری کی قوی امید ہے ۔

موضوعات:پائونڈ یورو