اپوزیشن کی ڈپٹی سپیکر پنجاب اسمبلی کے انتخاب میں حصہ نہ لینے کی وجہ سامنے آگئی
لاہور(آن لائن) پنجاب اسمبلی میں اپوزیشن کے ڈپٹی اسپیکر پنجاب اسمبلی کیلئے امیدوار علی حیدر گیلانی نے انتخاب میں
حصہ نہ لینے کی وجوہات بتاتے ہوئے کہاکہ اسپیکر کے انتخاب سے متعلق پی ڈی ایم جماعتیں ہائیکورٹ میں گئی ہیں تبھی حصہ نہیں لے سکتے تھے۔
پاکستان پیپلز پارٹی کے رہنما اور اپوزیشن کے ڈپٹی اسپیکر شپ کیلئے متفقہ امیدوار علی حیدر گیلانی نے میڈیا سے گفتگو کرتے ہوئے کہا کہ
پی ٹی آئی فکس میچ کھیلنے کی عادی ہے، عمران خان اپنے ہی ارکان اسمبلی پر بھروسہ نہیں کرتے اور انہیں بکاؤ مال سمجھتے ہیں اور کہتے بھی ہیں۔
علی حیدرگیلانی نے کہا کہ پنجاب اسمبلی میں گزشتہ روز ہونے والے اسپیکر کے انتخاب سے متعلق پی ڈی ایم جماعتیں ہائیکورٹ میں گئی ہیں،
اسپیکر کے انتخاب سے متعلق ابھی عدالت کا فیصلہ نہیں آیا، ایسے حالات میں ڈپٹی اسپیکر کا انتخاب نہیں لڑسکتے تھے۔
پی پی رہنما نے کہا کہ ہم نیاصولی مؤقف اپنایا اور انتخاب کا بائیکاٹ کیا، کل جو اسپیکر کا انتخاب ہوا عدالت اس پر اپنا فیصلہ سنائے، اسپیکر کے انتخاب کے دوران بیلٹ پیپر پر سیریل نمبر تھے۔
