پی ٹی آئی کا چیف الیکشن کمشنر کے خلاف جوڈیشل ریفرنس دائر کرنے کا فیصلہ
اسلام آباد (این این آئی)پاکستان تحریک انصاف (پی ٹی آئی) نے چیف الیکشن کمشنر سکندر سلطان راجہ کے خلاف
جوڈیشل ریفرنس دائرکرنیکا فیصلہ کرلیا۔چیئرمین پی ٹی آئی عمران خان کی زیر صدارت پارٹی قیادت کا اجلاس ہوا
جس میں فواد چوہدری،فرخ حبیب، بابر اعوان اور دیگر شریک ہوئے، اجلاس میں الیکشن کمیشن ممبران کی حکومتی اتحاد کے وفد سے ملاقات کا معاملہ زیر غور آیا۔
ذرائع کے مطابق پی ٹی آئی ممنوعہ فنڈنگ کیس میں الیکشن کمیشن کے کردارکا جائزہ لیا گیا، اجلاس میں چیف الیکشن کمشنر سے
متعلق ریفرنس دائرکرنے پر اتفاق کیا گیا۔ذرائع نے بتایا اکہ اجلاس میں فیصلہ کیا گیا کہ الیکشن کمیشن کے خلاف صوبائی حکومتوں میں بھی کارروائی کی جائیگی،
دو صوبائی اسمبلیاں (خیبر پختونخوا اور پنجاب) الیکشن کمیشن کے خلاف عدم اعتماد کی قرارداد لائیں گی۔
ذرائع نے بتایا کہ عمران خان نے ہدایت کی ہے کہ قانونی ماہرین چیف الیکشن کمشنر کے خلاف ریفرنس پر کام شروع کریں۔
