آئی بی نے 4 ماہ پہلے بتادیا تھا کہ آپ جارہے ہیں، شیخ رشید کا انکشاف

اسلام آباد (آن لائن) سابق وفاقی وزیر داخلہ و عوامی مسلم لیگ کے سربراہ شیخ رشید نے انکشاف کیا ہے کہ مجھے انٹیلی جنس بیورو(آئی بی) نے 4 ماہ پہلے بتادیا تھا کہ آپ جارہے ہیں،

میں نے دوتین ماہ انتظارکیا کہ آئی بی کی رپورٹ بعض اوقات سنی سنائی بھی ہوتی ہے۔ اپنے ایک انٹرویو میں شیخ رشید کا کہنا تھاکہ عمران خان کوپتا تھا کہ یہ سارا ملبہ گرنا ہے،

جس کوہم کہتے ہیں بارودی سرنگیں بچھاگئے، کچھ نہ کچھ توتھا کہ عمران خان نے گیس اوربجلی کی قیمتیں 10، 10 روپے کم کیں۔

حکومت گرانے کے حوالے سے سابق وفاقی وزیر کا کہنا تھاکہ مجھے آئی بی نے 4 ماہ پہلے بتادیا تھا کہ آپ جارہے ہیں،

عمران خان کوبتایا تو انہوں نے کہا کہ مجھے پہلے سے پتا ہے۔ان کا کہنا تھاکہ میں نے دوتین ماہ انتظارکیا کہ آئی بی کی رپورٹ بعض اوقات سنی سنائی بھی ہوتی ہے مگر یہ خبر سچ ثابت ہوئی۔