کراچی(این این آئی)نجی ریسٹورنٹ کے ملازم کے ساتھ ڈکیتی کی انوکھی واردات کا واقعہ پیش آیا ہے، ڈاکوئوں نے ڈلیوری بوائے سے کھانے کے ساتھ رقم بھی منگوالی۔کراچی میں ڈکیتی و رہزنی

کی وارداتیں سر عام جاری ہیں بلکہ ان میں دن بہ دن اضافہ بھی ہوتا جارہا ہے اور ڈاکو وارداتوں کو نت نئے طریقے انجام دے رہے ہیں۔ایک ایسا ہی واقعہ کراچی کے ایک پوش علاقے میں پیش آیا جہاں ڈاکوئوں نے کھانے کا آن لائن آرڈر دینے کے ساتھ ساتھ بھاری رقم بھی منگوالی۔اس حوالے سے ریسٹورنٹ انتظامیہ نے بتایاکہ اسٹریٹ کرمنلز نے پہلے ریسٹورنٹ میں فون کرکے آرڈر بک کروایا، شہری نے آرڈر بک کراتے وقت بتایا کہ اس کے پاس5ہزار روپے کا نوٹ ہے۔شہری کا آرڈر دیتے وقت ریسٹورنٹ انتظامیہ سے کہاکہ فوڈ ڈلیوری بوائے کو5ہزار کے نوٹوں کا کھلادے کر بھیجئے گا، ڈلیوری بوائے جب کھانا لے کر پہنچا تو شہری نے اسے مخصوص جگہ رکنے کا کہا۔شہری پارکنگ میں آرڈر لینے آیا تواس کے پاس اسلحہ بھی موجود تھا، اسٹریٹ کرمنلز نے ڈلیوری بوائے سے کھانااور9ہزار روپے چھین لیے۔

موضوعات:انوکھی واردات