فلوریڈا(مانیٹرنگ ڈیسک) فلوریڈا میں دلہن نے اپنی شادی کے کھانے میں چرس ملا کر مہمانوں کو کھلا دیا، دلہن اورشادی کا کھانا تیارکرنے والی کیٹررکو یہ مذاق کیے جانے پرگرفتارکرلیا ہے، فروری میں ہونے والی اس شادی میں پیش کیے جانے والے کھانے میں سوچے سمجھے منصوبے کے تحت چرس ملائی گئی تھی۔چرس والا کھانا کھانے سے متعدد مہمانوں کی طبیعت خراب ہو گئی تھی،جس پر ایمرجنسی کال کرنا پڑ گئی تھی، کیڈی کے حکام کودیے جانے والے بیان کے مطابق دلہن نے بھی اس بات کی تصدیق کی کہ کھانا چرس سے بھرا ہوا تھا اوریہ سب کچھ ایک مذاق کے طورپرکیا گیا تھا۔دونوں اس وقت ضمانت پر رہا ہیں اور جون کے مہینے میں جج کے سامنے پیش ہوں گی۔