اسلام آباد (این این آئی)وفاقی وزیر منصوبہ بندی احسن اقبال نے کہا ہے کہ عدالت آئین کی محافظ ہے، آئین شکنی ہو گی تو عدالت اپنا کام کرے گی،اگر عمران خان شفاف انتخابات چاہتے ہیں تو انتخابی اصلاحات کمیٹی میں آ کر بیٹھنا ہو گا،عمران خان نے بیرون ملک پاکستانیوں کے فنڈز غبن کیے،عمران خان اپنے انجام سے بچ نہیں سکتے،عمران خان کو اپنی غلطیوں پر محاسبہ کرنا چاہیے

،فراڈ اور دھوکے سے آپ لوگوں کو بار بار چکمہ نہیں دیا جا سکتا،عمران حکومت نے چار سال میں معاشی دہشتگردی کیے رکھی،پاکستان تب ترقی کرے گا، جب معیشت مضبوط ہوگی،ملک کو گندم کی کم پیداوار کا سامنا ہے، رواں سال گندم درآمد کرنا پڑیگی۔ میڈیا سے گفتگو کرتے ہوئے وفاقی وزیر نے کہاکہ عمران حکومت نے چار سال میں معاشی دہشتگردی کیے رکھی،ملک میں غربت میں تاریخی اضافہ ہوا ہے۔ وفاقی وزیر نے کہاکہ عمران خان نے تمام اداروں کو برباد کردیا ،پاکستان میں مہنگائی اور کرپشن میں بدترین اضافہ ہوا۔انہوںنے کہاکہ ملک کرپشن کی عالمی درجہ بندی میں مزید 14درجے گر گیا،اپوزیشن کو سابقہ حکومت میں جیلوں میں دھکیلا گیا۔ وفاقی وزیر نے کہاکہ عمران نیازی اپنی ناکا می پر پردہ ڈال کر عوام کو گمراہ کرنے کی کوشش کر رہا ہے،پاکستان تب ترقی کرے گا، جب معیشت مضبوط ہوگی۔ وفاقی وزیر نے کہاکہ عمران خان نے سی پیک منصوبے کو ناقابل تلافی نقصان پہنچایا ،ہماری حکومت سی پیک کا 90 فیصد کام مکمل کر چکی تھی۔ وفاقی وزیر نے کہاکہ 2025تک ہمارا تخمینہ تھا کہ 40ارب ڈالر کی سرمایہ کاری ملک میں لائیں، جن صنعتی زون کو مکمل ہونا تھا اْن پر کام ہی شروع نہیں کیا گیا۔ وفاقی وزیر نے کہاکہ پاکستان کے ترقیاتی منصوبوں کا حجم گھٹایا گیاجو افسوس ناک ہے۔ وفاقی وزیر نے کہ اکہ سیاسی رشوت بانٹنے کے چکر میں منصوبوں کا گلہ گھونٹا گیا،44فیصد وفاقی ترقیاتی بجٹ کا حلیہ بگاڑ دیا گیا، ہم سی پیک ریلوے کا ایم ایل ون منصوبہ شروع نہ کر سکے۔ احسن اقبال نے کہاکہ عمران خان بتائیں کہ ملک اجناس میں کیسے خود کفیل ہے؟ ہر چیز درآمد کرنا پڑ رہی ہے،ملک کو گندم کی کم پیداوار کا سامنا ہے، رواں سال گندم درآمد کرنا پڑے گی۔ وفاقی وزیر نے کہاکہ عمران خان 2011کی پرانی ٹیپ عوام کے سامنے بجا رہے ہیں،اگر عمران خان شفاف انتخابات چاہتے ہیں تو انتخابی اصلاحات کمیٹی میں آکر بیٹھنا ہو گا۔ وفاقی وزیر نے کہا کہ عمران خان نے الیکشن کمیشن کو دھمکانے کی کوشش کی جس کی شدید مذمت کرتے ہیں،فارن فنڈنگ کیس کے ممکنہ فیصلے کو دیکھتے ہوئے الیکشن کمیشن پر برس پڑے۔ وفاقی وزیرنے کہا کہ عمران خان اپنے انجام سے بچ نہیں سکتے،عمران خان نے بیرون ملک پاکستانیوں کے فنڈز غبن کیے۔ وفاقی وزیر نے کہاکہ سابق ڈپٹی سپیکر نے عمران خان کے حکم پر آئین شکنی کی،عمران خان ایک آئین شکن شخص کو ہیرو بنا کر پیش کر رہے ہیں۔ احسن اقبال نے کہاکہ عدالت آئین کی محافظ ہے، آئین شکنی ہو گی تو عدالت اپنا کام کرے گی۔ احسن اقبال نے کہاکہ عمران خان ملک کے اداروں کو اپنا غلام بنانا چاہتے ہیں،جب عمران خان نے حلف اٹھایا تب وہ بھی ضمانت پر تھے۔ احسن اقبال نے کہاکہ عمران خان کے بنائے گئے مقدمات میں ہم سرخرو ہو کر نکلے،پاکستانی قوم کی اکثریت عمران خان کی کارکردگی کو روزانہ بھگت رہی ہے۔ وفاقی وزیر نے کہاکہ عمران خان کو اپنی غلطیوں پر محاسبہ کرنا چاہیے

،فراڈ اور دھوکے سے آپ لوگوں کو بار بار چکمہ نہیں دیا جا سکتا۔ انہوںنے کہاکہ ہم پاکستان کو سفارتی تنہائی سے نکالیں گے۔احسن اقبال نے کہاکہ اگر ترقی کرنا ہے تو ہمیں یورپی یونین اور امریکا کی منڈیوں میں زیادہ سے زیادہ اپنا شیئر حاصل کرنا ہے۔ انہوںنے کہاکہ پاکستان ایک خودمختار ملک ہے،محمد نواز شریف نے 6ایٹمی دھماکے کر کے ملک کا دفاع ناقابل تسخیر بنایا۔ احسن اقبال نے کہاکہ عمران خان ایک غیر ذمہ دار سیاست کے ساتھ ملک کو بربادی کے راستے پر ڈالنا چاہتے ہیں،حکمرانی کرنا عمران خان کے بس کی بات نہیں۔