اسلام آباد (مانیٹرنگ، این این آئی)وزیر دفاع خواجہ محمد آصف نے کہا ہے کہ ہم اسٹیٹ بینک کی خود مختاری کے قانون کو ریورس کریں گے۔ ایک انٹرویومیں خواجہ آصف نے کہا ہے کہ عمران خان نے آئی ایم ایف کے ساتھ پاکستان کی خودمختاری کا سودا کیا۔انہوں نے کہا کہ ہم اسٹیٹ بینک کی خودمختاری کے قانون کو ریورس کریں گے کیونکہ اسٹیٹ بینک کا کنٹرول آئی ایم ایف کے پاس جاچکا ہے۔وزیر دفاع خواجہ آصف نے کہا کہ گورنر اسٹیٹ بینک ریٹائرڈ ہونے والے ہیں اور ان کی خدمات مزید درکار نہیں۔ایک سوال پر انہوں نے کہاکہ پاکستان تحریک انصاف کے جلسوں کا کوئی دباؤ نہیں،2013میں بھی تحریک انصاف نے بھرپور جلسے کئے اور 2013کے الیکشن کا نتیجہ آپ کے سامنے ہے۔