اسلام آباد (این این آئی)پاکستان میں اینٹی بائیوٹک دواؤں کے استعمال میں اضافہ دیکھنے میں آیا۔ماہرین کے مطابق پاکستان میں گزشتہ سال 120ارب روپیکی اینٹی بایوٹک دوائیں استعمال کی گئیں جن میں 70فیصد سے زیادہ اینٹی بائیوٹکس غیر ضروری تھیں۔ماہرین کے مطابق غیر ضروری اینٹی بائیوٹک دواؤں سے انسانی جسم میں بیکٹیریاکے خلاف مزاحمت بڑھ رہی ہے، پاکستان میں کورونا کے 95 فیصد سے زیادہ مریضوں نے اینٹی بائیوٹک دوائیں استعمال کیں۔طبی ماہرین نے کہا کہ میڈیکل اسٹورز کو بغیر نسخے کے اینٹی بائیوٹک دوائیں نہ دینے کا پابند بنایا جائے۔