پشاور(این این آئی)چیف جسٹس پشاورہائی کورٹ جسٹس قیصررشیدخان نے مہنگائی کانوٹس لے لیا۔ چیف جسٹس نے ناجائز منافع خوروں کے خلاف سخت کارروائی کا حکم بھی دے یا۔چیف جسٹس پشاور ہائیکورٹ جسٹس قیصر رشید خان موجودہ مہنگائی کی لہر کا نوٹس لے لیا ۔

چیف جسٹس نے انتظامیہ کو طلب کرلیاہے۔کیس کی سماعت کے دوران ایڈوکیٹ جنرل،کمشنرپشاور، سیکرٹری فوڈ ، اور ایڈیشنل ڈپٹی کمشنر عدالت میں پیش ہوئے، چیف جسٹس نے ریمارکس دئے کہ بدقسمتی سے یہاں پر رمضان میں ذخیرہ اندوزی سے مہنگائی ہوجاتی ہے، شیاء خوردنوش کی قیمتیں آسمان سے باتیں کررہی ہیں عام آدمی افطاری تک خریدنہیں سکتا، مہنگائی عروج پر ہے لیکن حکومت نام کی کوئی چیز نظر نہیں آرہی، گوشت 700 اور 800 روپے کلو تک پہنچ گیا لیکن انتظامیہ کوئی کارروائی نہیں کر رہی، ضلعی انتظامیہ کی کارگردگی صرف رپورٹوں کی حد تک ہوتی ہے،کمشنر پشاور ریاض محسودنے عدالت کو بتایا کہ مہنگے داموں چیزیں بھیجنے والوں دوکانداروں کے خلاف کارروائی کررہے ہیں،پشاور میں اب تک 329 ایف آئی آر درج کئے گئے ہیں 20 لاکھ سے زائد جرمانہ بھی وصول کیا ہے، 7 ہزار دوکانوں کو سیل کیا ہے، 3 ہزار سے زائد افراد کو وارننگ دی ہے،عدالت نے حکم دیا کہ چھوٹے موٹے جرمانوں سے کچھ فرق نہیں پڑتا،جو مہنگے داموں چیزیں بیچتے ہیں ان کے خلاف سخت ایکشن لیاجائے، اگر سمگلنگ ہورہی ہے تواس کو روکیں, پہلے اپنے لوگوں کو چیزیں مہیا کریں،