لاہور( این این آئی)مسلم لیگ (ن) کے رہنما میاں جاوید لطیف اوکاڑہ میں سیاسی مصروفیت کے باعث وزارت کا حلف نہ اٹھا سکے۔ذرائع کا کہنا ہے کہ مریم نواز نے ہفتے کو اوکاڑہ میں ریلی اور جلسے سے خطاب کرنا ہے اورجاوید لطیف مریم نواز کے جلسوں کے چیف آر گنائزر ہیں۔وفاقی کابینہ کی حلف برداری کی تقریب ایوانِ صدر اسلام آباد میں ہوئی، جہاں (ن) لیگ اور اتحادیوں پر مشتمل کابینہ کے ارکان نے حلف اٹھا لیا تاہم پیپلز پارٹی کے چیئرمین بلاول بھٹو زرداری اور لیگی رہنما میاں جاوید لطیف نے حلف نہیں اٹھایا۔