ریاض(اینی این آئی ) سعودی عرب کی شہزادی لولو بنت فہد بن عبدالعزیز آل سعود انتقال کر گئیں، شہزادی حدود شمالیہ کے گورنر شہزادہ فیصل بن خالد بن سلطان کی والدہ ہیں۔سعودی میڈیا کے مطابق سعودی ایوان شاہی نے کہا ہے کہ شہزادی لولو بنت فہد بن عبدالعزیز آل سعود سوموار کے روز انتقال کرگئیں۔شہزادی لولو بنت فہد کی نماز جنازہ عصر کے بعد امام ترکی بن عبد اللہ جامع مسجد ریاض میں ادا کی گئی۔شہزادی لولو بنت فہد حدود شمالیہ کے گورنر شہزادہ فیصل بن خالد بن سلطان کی والدہ ہیں، شاہی خاندان کے افراد، مقامی عہدیداروں اور عوام نے شاہی خاندان خصوصا گورنر حدود شمالیہ سے اظہار تعزیت کیا ہے۔