کراچی(این این آئی)پی ٹی آئی کے رکن قومی اسمبلی عامر لیاقت نے تیسری اہلیہ دانیہ سے علیحدگی کی افواہوں پر خاموشی توڑ دی ہے۔گزشتہ شب عامر لیاقت کے حوالے سے یہ خبریں گردش کررہی تھیں کہ ان کی تیسری اہلیہ نے اپنے سوشل میڈیا اکائونٹ سے عامر لیاقت کی تمام تر تصاویر ڈیلیٹ کردی ہیں جبکہ عامر لیاقت بھی اب انہیں فالو نہیں کرتے۔ان خبروں کے سوشل میڈیا پر تیزی سے پھیلنے کے بعد عامر لیاقت نے خود ہی اپنی انسٹاگرام اسٹوری پر ان خبروں کی تردید کی۔انہوں نے ایک خبر کا اسکرین شاٹ شیئر کیا اور اس پر بکواس لکھا۔ایک اور اسٹوری میں انہوں نے دانیہ کا اکائونٹ بھی شیئر کیا جس میں دیکھا جاسکتا ہے کہ وہ انہیں اس وقت فالو کررہے ہیں۔