لاہور، مرید کے (مانیٹرنگ ڈیسک، این این آئی) پاکستان تحریک انصاف کے رکن پنجاب اسمبلی خالد محمود کے بیٹے پر قاتلانہ حملہ ۔جنگ اخبار کی رپورٹ کے مطابق پاکستان تحریک انصاف کے رکن پنجاب اسمبلی خالد محمود کے بیٹے کا کہنا ہے کہ ان کے گھر کے باہر مسلح
افراد نے فائرنگ کی ہے۔خالد محمود کے بیٹے نے مزید کہا کہ ہمارے گھر کے باہر مسلح افراد نے فائرنگ کی۔مجھ پر قاتلانہ حملہ کیا گیا جب کہ فیملی کو بھی ہراساں کیا گیا۔ایم پی اے خالد محمود خان کے بیٹے نے کہا کہ حملہ آوروں کی ویڈیو موجود ہے۔واقعے سے متعلق پولیس کو بھی آگاہ کر دیا ہے۔پولیس کا کہنا ہے کہ فائرنگ کرنے والے ملزم کو گرفتار کر لیا ہے۔دوسری جانب مریدکے میں مسلم لیگ (ن) کے سابق ایم پی اے مشتاق گجر کے گھر کے باہرپاکستان تحریکِ انصاف کے کارکنوں نے مظاہرہ کیا۔تفصیلات کے مطابق مظاہرے میں شریک افراد نے سابق لیگی ایم پی اے کے گھر کے باہر ہوائی فائرنگ کی۔مشتاق گجر نے واقعہ کی مذمت کرتے ہوئے کہا کہ فائرنگ کرکے حالات خراب کرنے کی کوشش کی گئی ہے۔دوسری جانب پی ٹی آئی کا کہناہے کہ ہوائی فائرنگ مخالف جماعت کے کارکنوں نے کی جبکہ پولیس یک مطابق فائرنگ کرنے والوں کے خلاف قانون کے مطابق کارروائی ہوگی۔
