مکہ مکرمہ(این این آئی)صدارت عامہ برائے امور حرمین شریفین کے ذیلی شعبے ہدایات و رہ نمائی نے رمضان المبارک کے مقدس مہینے میں اپنی خدمات کی فراہمی کا سلسلہ جاری رکھا ہے۔ان خدمات میں الیکٹرانک مقرا الحرمین الشریفین بھی شامل ہے،

جس کی آواز دنیا کے کونے کونے میں گونج رہی ہے۔ مقرا الحرمین سروس کا مقصد قرآن پاک سمجھنا اوراس کی درست طریقے سے تلاوت سیکھنا ہے۔ مقرا الحرمین کے ذریعے ماہر سند یافتہ اساتذہ کے ہاتھوں قرآن پاک سیکھا اور پڑھا جا سکتا ہے۔میڈیارپورٹس کے مطابق صدارت عامہ کے شعبہ قرآن و کتب کے ڈائریکٹر جنرل غازی الذبیانی نے کہا کہ مقرا الحرمین سروس صوتی اور بصری رابطے کے ذریعے قرآن پاک کی تلاوت اور اس کی تعلیم کے لیے فراہم کی جا رہی ہے۔ یہ جدید ٹیکنالوجی سے تیار کی گئی ایک منفرد سروس ہے جو چوبیس گھنٹے دنیا کے تمام حصوں تک لاکھوں مردو خواتین کو اور قرآن سیکھنے والوں کی مدد کرتی ہے۔انہوں نے کہا کہ مقرا کے قرا حضرات کا انتخاب مقامی باشندوں سے کیا جاتا ہے۔ ان کے چنا کے لییان کی کتاب اللہ کی تدریس کی اہلیت جانچی جاتی ہے۔ اس وقت حرم شریف میں 29 قاری اور قاریات یہ خدمت انجام دے رہے ہیں۔