اسلام آباد(این این آئی)پاکستان تحریک انصاف کے رہنما سینیٹر فیصل جاوید نے کہا ہے کہ یہ قوم عمران خان کو کبھی مایوس نہیں کرے گی۔پی ٹی آئی کے رہنما سینیٹر فیصل جاوید نے سماجی رابطے کی ویب سائٹ ٹوئٹر پر لکھا کہ رواں مہینے کی 25 تاریخ کو پاکستان تحریک انصاف اپنے 26 سال مکمل کرنے جا رہی ہے اور اس سفر میں پارٹی کے بانی اور چیئرمین عمران خان نے انتھک محنت کی اور اب ایک نئی جدوجہد کا آغاز ہے۔انہوں نے لکھا کہ کیا آپ اپنے لیڈر عمران خان کا ساتھ دیں گے؟ یہ قوم انشا اللہ عمران خان کو کبھی مایوس نہیں کرے گی۔