اسلام آباد (این این آئی)عمران خان وزیراعظم ہاؤس سے رات بارہ بجے بنی گالہ روانہ ہوئے ہیں۔اسد قیصر کی جانب سے قومی اسمبلی کے اسپیکر کے عہدے سے استعفیٰ کے بعد عمران خان تقریباً گیارہ بجکر 58منٹ پر وزیر اعظم ہائوس سے روانہ ہوئے ۔عمران خان کی روانگی کے ساتھ ہی عمران خان کا ذاتی اسٹاف بھی وزیر اعظم ہاؤس سے روانہ ہوا۔ذرائع کے مطابق عمران خان کے پرنسپل سیکرٹری اعظم خان بھی وزیر اعظم ہاؤس سے روانہ ہوئے۔ان کے علاوہ شاہ محمود قریشی اور قاسم سوری سمیت وزیر اعظم کا ذاتی اسٹاف بھی وزیر اعظم ہاؤس سے چلا گیا ،دیگر وفاقی وزراء کو بھی وزیراعظم ہاؤس کے عملے نے واپس بھجوا دیا جن میں ، فواد چوہدری، شبلی فراز اور شیریں مزاری شامل تھیں ۔عمران خان نے روانگی سے پہلے وزیراعظم ہاؤس کے عملے سے ملاقات بھی کی۔