اسلام آباد ( آن لائن)قومی سلامتی کے ادارے انٹرسروسز انٹیلی جنس (آئی ایس آئی ) کے سربراہ لیفٹیننٹ جنرل ندیم انجم نے جمعہ کو وزیر اعظم ہائوس میں وزیر اعظم عمران خان سے ملاقات کی ،حکومتی ذرائع کے مطابق یہ ملاقات 45 منٹ تک جاری رہی جس میں قومی سلامتی سے متعلق امور زیر بحث آئے ،ملک کی داخلی سلامتی کی صورت حال سمیت افغانستان کی تازہ ترین صورت حال پر بھی تبادلہ خیال کیا گیا ،ذرائع کا کہنا ہے کہ ملاقات میں متنازع خط کی تحقیقات سے متعلق امور پر بھی بات چیت ہوئی اور قومی سلامتی کے ادارے کے سربراہ نے اس حوالے سے وزیر اعظم کو واضح اہم نکات پر بریفنگ بھی دی ۔