کراچی (این این آئی)وزیر اطلاعات سندھ سعید غنی نے کہا ہے کہ کوئی پوچھے تو کہنا بلاول آیا تھا۔سپریم کورٹ کے پانچ رکنی بینچ نے متفقہ فیصلہ دیا کہ ڈپٹی اسپیکر کی 3 اپریل کی رولنگ اور قومی اسمبلی کو تحلیل کرنا آئین سے متصادم تھا جس کے بعد سپریم کورٹ نے قومی اسمبلی بحال کردی۔سپریم کورٹ نے اپنے فیصلے میں کہا کہ قومی اسپیکر قومی اسمبلی کا اجلاس 9 اپریل کو بلائیں۔عدالتی فیصلے پر پیپلزپارٹی کے رہنما سعید غنی نے سماجی رابطے کی ویب سائٹ ٹویٹر پر بلاول بھٹو کے ساتھ مسکراتی ہوئی تصویر شیئر کی۔سعید غنی نے اپنے ٹویٹ میں لکھا کہ کوئی پوچھے تو کہنا بلاول آیا تھا۔