بہاولنگر (این این آئی)بہاولنگر کی نہر سکس آر میں 80 فٹ چوڑا شگاف پڑ گیا، نہر میں شگاف پڑنے سے پانی سینکڑوں ایکڑ پر گندم کی تیار فصل میں جمع ہو گیا۔محکمہ انہار کے مطابق بہاولنگر کے علاقے فقیر والی کے قریب واقع نہر سکس آر میں 80 فٹ چوڑا شگاف پڑا ہے۔پانی کے بہائو میں تیزی کے باعث اپنی مدد آپ کے تحت شگاف پْر کرنے والے مقامی افراد کو مشکلات

کا سامنا کر ناپڑا۔کسانوں کے مطابق نہر میں شگاف محکمہ انہار کے عملے کی غفلت اور لاپروائی سے پڑا ہے، جس سے ان کی کھڑی فصل تباہ ہو گئی۔کسانوں کے مطابق اطلاع دینے کے باوجود محکمہ انہار کا عملہ شگاف پْر کرنے نہیں پہنچا۔دوسری جانب محکمہ انہار کے حکام کا کہنا ہے کہ مشینری اور عملہ شگاف پْر کرنے روانہ کر دیا ہے، جلد شگاف پْر کر لیا جائے گا۔