اسلام آباد (آن لائن)ترجمان پی ڈی ایم حافظ حمداللہ نے کہاہے کہ آج ملک کا آئین کٹہرے میں کھڑا عدالت سے انصاف کی بھیک مانگ رہاہے ۔آئین شکن نیازی ٹولہ آئین شکنی پرملک میں جشن منا رہاہے جبکہ آئین ساز قومی قیادت عدالت سے آئین کی بحالی کی استدعا کررہی ہے ۔اپنے ایک بیان میں حافظ حمداللہ نے کہا پی ڈی ایم نظریہ ضرورت کے نہیں نظریہ جمہوریت کے اصول پر قائم ہے۔ پی ڈی ایم “سمجھوتہ ایکسپریس”کے مسافر بننے کیلئے قطعاً تیار نہیں ۔پی ڈی ایم اور قوم کی عدالت سے قوی توقع ہے کہ وہ آئین کوانصاف دیں گے تاکہ مستقبل میں کوئی بھی قوت آئین شکنی کی جرات نہ کرسکے ۔

موضوعات:حافظ حمداللہ