لاہور(این این آئی)سپیکر پنجاب اسمبلی چوہدری پرویز الٰہی نے وزیر اعلیٰ پنجاب کا امیدوار ہونے کی وجہ سے ڈپٹی سپیکر کو تفویض کئے گئے سپیکر پنجاب اسمبلی کے اختیارات واپس لے لئے۔ پنجاب اسمبلی سیکرٹریٹ نے اس سلسلہ میں نوٹیفکیشن جاری کر دیا ہے جس میں کہا گیاہے کہ آرٹیکل235کے تحت ڈپٹی سپیکر کے اختیارات واپس لئے گئے ہیں۔ نوٹیفکیشن کے متن میں کہا گیا ے کہ اختیارات سپیکر کی ہدایت پر واپس لئے جارہے ہیں۔نوٹیفکیشن کی کاپی تمام متعلقہ اداروں کوبھی بھجوا دی گئی۔ ترجمان کے مطابق اختیارات واپس لئے جانے کے بعد اب ڈپٹی سپیکر اجلاس طلب نہیں کر سکتے۔