کراچی (آئی این پی) اداکارہ، میزبان اور مصنفہ میرا سیٹھی کو وطن کی یاد واپس کھینچ لائی۔ ایک ویب شو میں گفتگو کرتے ہوئے میرا سیٹھی نے انکشاف کیا کہ وہ اپنے شوہر بلال کے ساتھ پاکستان واپس منتقل ہوگئی ہیں۔انہوں نے وطن واپس آنے کی وجہ بتائی کہ ان کا دل یہاں کراچی میں لگتا ہے اور وہ وہاں گھر گھر جیسا محسوس نہیں کرتیں۔میرا سیٹھی نے کہا کہ پاکستان کی محبت مجھے ایک نہیں بلکہ دو بار وطن واپس کھینچ لائی۔ واضح رہے کہ 2019 میں میرا سیٹھی شادی کے بعد شوہر کے ساتھ سان فرانسسکو چلی گئی تھیں۔