اسلام آ باد ٗ لاہور(آئی این پی ) پاکستان تحریک انصاف کے رکن قومی اسمبلی چوہدری عاصم نذیر ن لیگ میں شمولیت اختیار کرتے ہوئے اپنے عہدے سے مستعفی ہوگئے ہی ۔سماجی رابطے کی ویب سائٹ پر اپنے پیغام میں رکن قومی اسمبلی چوہدری عاصم نذیر اس حوالے سے تصدیق بھی کی ہے۔
اپنے پیغام میں عاصم نذید کا کہنا تھا کہ وہ پی ٹی آئی کی پارلیمانی پارٹی کے عہدے سے استعفی دیتے ہیں اور پاکستان مسلم لیگ ن میں باضابطہ طور پر شمولیت کا اعلان کرتے ہیں۔ انہوں نے کہا کہ یہ سیٹ کسی کے باپ کی وجہ سے نہیں اپنی کارکردگی اور حلقہ کے عوام کی محبت سے مسلسل چار بار جیت چکا ہوں۔ ان کا مزید کہنا تھا کہ کوئی کسی غلط فہمی میں نہ رہے ہم نے فیصل آباد کو سجایا اور سجاتے جائیں گے۔ خیال رہے کہ چوہدری عاصم نذیر عدم اعتماد کی تحریک میں اپوزیشن کا ساتھ دینگے اور ن لیگ کے حق میں ووٹ دیں گے۔ علاوہ ازیں عاصم نذیر کے ن لیگ میں آنے سے مسلم لیگ ن کے اراکین کی تعداد 85 ہوگئی ہے۔دوسری جانب پاکستان تحریک انصاف کی رہنما فردوس عاشق اعوان نے (ن)لیگ میں شمولیت کی خبروں کو من گھڑت قرار دے دیا،سماجی رابطے کی ویب سائٹ پر ٹویٹ میں فردوس عاشق اعوان نے لکھا کہ سوشل میڈیا پر میرے بارے میں(ن) لیگ میں شمولیت کے حوالے سے گردش کرنے والی خبر من گھڑت، بے بنیاد اور حقائق کے منافی ہے۔
