فیصل آباد(آن لائن)وزیراعظم پاکستان عمران خان کی تصویر پر سیاہی پھینکنے والے نوجوان کو پکڑ کر حوالات بند کر دیا گیا۔ تھانہ سٹی تاندلیانوالہ پولیس نے پاکستان

تحریک انصاف کے کارکن ابرار حسین ایڈووکیٹ کی درخواست پر مقدمہ درج کر کے بازپرس شروع کر دی تفصیل کے مطابق قانونی کارروائی کرواتے ہوئے چک نمبر 547 گ ب چک عنائت کے رہائشی ابرار حسین ایڈووکیٹ نے بتایا کہ وہ اپنے دوستوں کے ہمراہ تاندلیانوالہ سٹی میں گزر رہا تھا کہ ایک نوجوان بجلی کے پول کے ساتھ لگے ہوئے وزیراعظم پاکستان کے تصاویر والے بینرز اتار رہا تھا بلکہ عمران خان کی تصاویر پر سیاہی مل رہا تھا، جسکو منع کیا تو وہ مشتعل ہو گیا اور ان کو سنگین نتائج کی دھمکیاں دیتے ہوئے فرار ہو گئے، جس پر پولیس نے فوری طور پر کارروائی عمل میں لاتے ہوئے مذکورہ ملزم حافظ سلیمان ولد طاہر فیض سکنہ مبارک پورہ گلی نمبر9 تاندلیانوالہ کو گرفتار کر کے حوالات میں بند کر دیا اور اس کے خلاف مقدمہ درج کر کے تفتیش شروع کر دی ہے۔