کویت سٹی (آئی این پی ) کویتی ماہر فلکیات نے رمضان المبارک کے آغاز سے متعلق ایک بیان جاری کردیا جس کے مطابق رمضان المبارک کے بابرکت مہینے کا آغاز 3 اپریل بروز اتوار سے ہوگا، یہ اعلان کویت کے ماہر فلکیات عادل السعدون نے کیا ہے، اس سے قبل کویتی ماہرین نے بروز ہفتہ 2 اپریل سے ماہ رمضان کے آغاز کا بیان جاری کیا تھا۔ ماہر فلکیات نے کہا کہ رمضان کا چاند دو اپریل ہفتے کے روز عام آنکھ سے بھی دیکھا جاسکتا ہے، جس پر کویت کی وزارت انصاف نے شہریوں سے درخواست کی ہے وہ ہلال کا نظارہ کریں اور رویت کمیٹی کو شہادتیں جمع کروائیں۔