لاہور( این این آئی)وزیر اعلیٰ پنجاب کے فوکل پرسن برائے ڈیجیٹل میڈیا اظہر مشوانی نے کہا ہے کہ وزیر اعلیٰ عثمان بزدار نے ماضی کے نام نہاد خادم اعلیٰ کی طرح شوبازی نہیں کی بلکہ حقیقی معنوں میں صوبے اور عوام کی ترقی کیلئے اقدامات اٹھائے ہیں، وزیر اعلیٰ عثمان بزدار نے چار سالوں میں اصلاحات کے ساتھ حقیقی ترقی کیلئے جتنے منصوبے شروع کئے ماضی کے دس سالوں اس کی کوئی مثال موجود نہیں ۔ اپنے بیان میں اظہر مشوانی نے کہا کہ اپوزیشن کی جانب سے محض بہتانی تراشی قابل مذمت ہے جس سے ان کی منفی ذہنیت کا بخوبی انداز ہ لگایا جا سکتا ہے لیکن اس طرح کے منفی ہتھکنڈے سے عوام کی آنکھوں میں دھول نہیں جھونکی جا سکتی ۔ انہوں نے کہا کہ 27مارچ کے جلسے سے نہ صرف اپوزیشن کی آنکھیں کھل گئی ہیںبلکہ تحریک عدم اعتماد کے غبارے سے بھی ہوا نکل گئی ہے ۔