اسلام آباد (این این آئی)وزیر اعظم عمران خان کمالیہ میں جلسے کے دوران نواز شریف سے متعلق جوش خطابت میں الٹا کہہ گئے اور کہا کہ نوازشریف کبھی امپائر کو ملا کر نہیں کھیلا۔ ہمیشہ نواز شریف پر امپائر سے مل کر کھیلنے کا الزام لگانے والے عمران خان نے کہا کہ نواز شریف نے کبھی کوئی میچ امپائر کو ملا کر نہیں کھیلا۔ وزیر اعظم ساری بات میں امپائر کے ساتھ مل کر کھیلنے اور اپنے امپائر کھڑے کرنے کی تفصیل بتاکر آخر میں یہ کہہ گئے کہ نواز شریف نے کبھی امپائر کو ملا کر میچ نہیں کھیلا۔