ہری پور (این این آئی)تحصیل چیئرمین ہری پور سمیع اللہ خان قاتلانہ حملے میں شدید زخمی ہو گئے۔اطلاعات کے مطابق نامعلوم افراد نے تحصیل چیئرمین سمیع اللہ خان کی گاڑی پر فائرنگ کی جس کے نتیجے میں وہ شدید زخمی ہو گئے۔فائرنگ سے زخمی تحصیل چیئرمین سمیع اللہ خان

کو پی او ایف واہ ہسپتال منتقل کر دیا گیا ہے اور ہسپتال ذرائع کے مطابق سمیع اللہ خان کی حالت انتہائی تشویشناک ہے۔سمیع اللہ خان کے کزن بابر نواز خان نے سمیع اللہ خان پر حملے کی تصدیق کرتے ہوئے ان کی جلد صحتیابی کیلئے دعا کی درخواست کی ہے۔