راولپنڈی (آن لائن)سابق وزیراعظم چوہدری شجاعت حسین نے کہا ہے کہ مسلم لیگ جو بھی فیصلہ کرے گی ملکی مفاد کو ہمیشہ کی طرح مقدم رکھا جائے گا،حکمران جماعت اور اپوزیشن پارٹیوں کوصبر کا دامن نہیں چھوڑنا چاہیے،تلخیاں بڑھنے کی بجائے کم ہونی چاہئیںبصورت دیگر بات بہت دور تک چلی جائے گی ،جمہوریت نہ رہی تو کسی کو کچھ نہیں ملے گا،پارٹی عہدیدار اور کارکن عوامی بھلائی کے کاموں میں بڑھ چڑھ کر حصہ لیں،
انشاء اللہ ملک کا مستقبل روشن رہے گا۔گزشتہ روزسابق تحصیل و پوٹھوہار ٹائون کے ناظم راجہ حامد نواز سے اپنی رہائش گاہ اسلام آباد میں ملاقات کے موقع پر بات چیت کرتے ہوئے چوہدری شجاعت حسین نے کہا کہ حکومت اور اپوزیشن فوری طور پر جلسوں کی منسوخی کا اعلان کریں،ہمیں اتنی فکر عوام کو ریلیف فراہم کرنے کیلئے کرنی چاہیئے، سابق تحصیل و پوٹھوہار ٹائون کے ناظم راجہ حامد نواز نے کہا ہے کہ چوہدری شجاعت حسین پاکستانی سیاست کا اہم ستون ہیں انکی ملکی سیاست پر گہری نظر ہے چوہدری شجاعت حسین ملکی سیاست کا سرمایہ ہیں انکی جلد صحت یابی کے لئے دعا گو ہوں،یہ بات انہوں نے اسلام آباد میں چوہدری شجاعت حسین کی عیادت کرنے کے موقع پر گفتگو کرتے ہوئے کہی،سابق تحصیل و پوٹھوہار ٹائون کے ناظم راجہ حامد نواز نے چوہدری شجاعت حسین کی عیادت کی اور انکے لئے نیک خواہشات کا اظہار کیا دونوں رہنمائوں نے ملکی سیاسی صورتحال پر بھی تبادلہ خیال کیا اس موقع پر گفتگو کرتے ہوئے سابق تحصیل و پوٹھوہار ٹائون کے ناظم راجہ حامد نواز نے کہا کہ چوہدری شجاعت حسین کا پاکستان کی سیاست میں نام اور کردار نا قابل فراموش ہیں ملکی سیاست اور چوہدری شجاعت حسین ایک دوسرے کے لئے لازم و ملزوم ہیں انہوں نے کہا کہ چوہدری شجاعت حسین ہمیشہ ایک بزرگ اور رہنماء کا کردار ادا کیا
ان سے محبت اور شفقت کا رشتہ بغیر کسی مفاد یا سیاسی تعلق سے ہٹ کر قائم و دائم تھا ہے اور رہے گا انکی کی صحت خرابی باعث تشویش رہی ہے تاہم اب انہیں روبصحت دیکھ کر اطمینان ہوا ہے انکی جلد صحت او ر ملکی سیاست میں فعال کردار ادا کرنے کے لئے دعا گو ہوں،ملاقات میں موجودہ ملکی سیاسی صورتحال، اتحاد اور باہمی دلچسپی کے امور پر تفصیلی گفتگو کی گئی۔
