ریاض (این این آئی)معروف کاروباری میگزین نے 7 اماراتی خواتین کو مشرق وسطی اور شمالی افریقہ کی سب سے بااثر اور کامیاب کاروباری خواتین کی فہرست میں شامل کیا ہے۔فوربز کی 50 طاقتورکاروباری خواتین کی فہرست میں سعودی عرب کی چارخواتین بھی اپنی جگہ بنانے میں کامیاب ہوگئیں۔ فہرست میں 19 ممالک سے تعلق رکھنے والی 17 شعبوں سے
وابستہ خواتین شامل ہیں۔میڈیارپورٹس کے مطابق فوربزکی فہرست میں سعودی عرب کی سارہ السہیمی، ہثم علیان، لبنی علیان اور بسمہ المیمن کے نام سامنے آئے ۔فوربزکی فہرست میں چوتھے نمبر پر مملکت کے اسٹاک ایکسچینج تداول کی صدارت کرنے والی پہلی سعودی خاتون سارہ السہیمی ہیں۔ جو مشرق اوسط کی سب سے بڑی اسٹاک مارکیٹ ہے۔
