پشاور(این این آئی)پشاور یونیورسٹی میں ایک سٹوڈنٹ فیڈریشن کی تنظیم سازی کے موقع پر دو دھڑوں کے درمیان تلخ کلامی کے بعد ایک شخص کی ہوائی فائرنگ سے ایک پولیس اہلکار زخمی ہوگیا۔ تفصیلات کے مطابق پیر کو پشاور یونیورسٹی کے اکیڈمک بلاک میں ایک سٹوڈنٹ فیڈریشن کی تنظیم سازی کا عمل جاری تھا کہ اس دوران فیڈریشن کے عہدوں کی تقسیم پر دو دھڑوں کے درمیان
تلخ کلامی ہوئی جس کے بعدمبینہ طور پر وقار ولد شاہ محمد سکنہ لکی مروت نے ہوائی فائرنگ شروع کردی جس سے لگ کر ایک پولیس اہلکار عامر سہیل ٹانگ پر لگ کر زخمی ہوگیاجس کو ابتدائی طبی امداد کی خاطر خیبر ٹیچنگ ہسپتال منتقل کر دیا گیا۔ زیر حراست ملزم وقارسے ابتدائی تفتیش کے دوران معلوم ہوا کہ وہ سال 2017 میں پشاور یونیورسٹی سے فارغ التحصیل ہو چکا ہے۔
