اسلام آباد ( آن لائن )پاکستان کے سابق وزیر خزانہ اور مسلم لیگ ن کے رہنما مفتاح اسماعیل نے موجودہ حکومت کے جلد واپس جانے کی پیشگوئی کرتے ہوئے کہا ہے کہ عمران خان مدت پوری نہیں کریں گے، حکومت اور اسٹیبلشمنٹ
ایک پیج پر نہیں ہیں ۔نجی ٹی وی سے گفتگو کرتے ہوئے مفتاح اسماعیل کا کہنا تھا کہ وہ سمجھتے ہیں کہ نوازشریف کو ابھی واپس نہیں آنا چاہیے، نوازشریف صرف لگاتے ہیں کھاتے نہیں ہیں، پی ٹی آئی،پیپلزپارٹی دونوں نااہل ہیں مگر پی ٹی آئی زیادہ نااہل ہے ، علی زیدی اور حماد اظہر دونوں کی کارکردگی اچھی نہیں ہے۔ مفتاح اسماعیل نے بتایا کہ میں کنجوس ہو ں مگر شاہد خاقان مجھ سے زیادہ کنجوس ہیں۔کیپٹن صفدر کو مزار قائد کے احاطے میں نعرے نہیں لگانے چاہیے تھے۔پاکستان سپر لیگ کے میچوں سے متعلق سابق وزیر خزانہ کا کہنا تھا کہ جس ٹیم میں محمد رضوان ہوگا، اسے سپورٹ کروں گا، وکٹ کیپر بیٹر آج کل میرا فیورٹ کھلاڑی ہے۔
