اسلام آباد(اے پی پی)کابینہ کی اقتصادی رابطہ کمیٹی (ای سی سی ) نے تمباکوکی کم سے کم انڈیکٹیوقیمت کے حوالہ سے وزارت قومی غذائی تحفظ وتحقیق کی تجاویز کی منظوری دیدی۔ کابینہ کی اقتصادی رابطہ
کمیٹی (ای سی سی ) کاخصوصی اجلاس یہاں وزیرخزانہ شوکت ترین کی ورچوئل صدارت میں منعقد ہوا۔اجلاس میں وفاقی وزیرقومی غذائی تحفظ وتحقیق سید فخرامام، وفاقی سیکرٹریز اورسینئرافسران نے شرکت کی۔ اجلاس میں تمباکوکی کم سے کم انڈیکٹیوقیمت کا جائزہ لیاگیا۔ وزارت قومی غذائی تحفظ وتحقیق کی جانب سے تمباکوکی کم سے کم انڈیکٹیوقیمت کے حوالہ سے تجاویز پیش کی گئی۔ ای سی سی نے تفصیلی جائزہ کے بعد ان تجاویز کی منظوری دی۔ای سی سی نے سال 2022 کی فصل کیلئے میدانی علاقوں میں ورجینیا ٹوبیکو(ایف سی وی) کی کم سے کم قیمت 240 روپے فی کلوگرام اورنیم پہاڑی علاقوں میں 281.13 روپے فی کلوگرام، ڈارک ائیرکیورڈ ٹوبیکو کی کم سے کم قیمت 149.09 روپے فی کلوگرام ، سفید پتہ 123 روپے فی کلوگرام ، موٹا تمباکو187.50 روپے فی کلوگرام ، جبکہ نسوا، حقہ اور رستیکا ٹوبیکوکی فی کلوگرام قیمت 123 روپے مقررکرنے کی تجاویز کی منظوری دیدی۔ وفاقی کابینہ ان تجاویز کی حتمی منظوردی دے گی۔
