اسلام آباد (آن لائن) سینیٹ کے اجلاس میں وقفہ سوالات کے دوران روپے کو مستحکم کرنے کے متعلق سینیٹر مشتاق کے سوال کے جواب میں رکن قومی اسمبلی و وزیر مملکت پارلیمانی امور علی محمد خان نے کہا ہے کہ ڈالر کی قیمت بڑھ رہی ہے ،ملک میں بدترین افراط زر ہے ،پی پی اور ن لیگ کو سلام ہے جنہوں نے کارنامے کئے ،بے نظیر دور میں روپے کی قدر میں سو فیصد کمی ہوئی تھی

ہمارے دور میں 45فیصد ہوئی ہیں،ن لیگ کے دور میں 9 ارب ڈالر فارن ریزرو تھااس وقت 20 ارب ڈالر ریزرو موجود ہے، فارن ریزرو بڑھے گا تو ڈالر کی قیمت کم ہو گی، بیرونی قرضے21 ہزار ارب تک پہنچ چکے ہیں۔روپے کے مقابلے میں ڈالر کی قدر میں اضافہ پر علی محمد خان کا سینیٹ میں جواب دیتے ہوئے مزید کہا کہ پیپلزپارٹی اور مسلم لیگ ن کو سلام جنھوں نے کارنامہ انجام دیئے، بے نظیر جب وزیر اعظم بنیں اور جب نواز شریف وزیر اعظم بنے ان ادوار میں 100 فیصد روپیہ کی قدر گری،پی ٹی آئی حکومت میں 45 فیصد قدر گری اسکی وجوہات بھی یہ لوگ ہیں، ان لوگوں نے اتنا ادھار لیا تو ہم جب اقتدار میں آئے تو سارا بوجھ ہم پر آیا، علی محمد خان نے مزید کہا ہے کہ 2017 میں جب نئے الیکشن ہوئے تو فارن رزیرو 9 ارب ڈالر تھا، اس وقت فارن ریزرو 20 ارب ڈالر کو چھو رہا ہے، ہم نے اسٹیٹ بینک سے روپیہ لیکر مارکیٹ میں نہیں ڈالنے، جیسے جیسے معیشت بہتر ہورہی ہے روپیہ کی قدر بھی بہتر ہوجائے گی، پاکستان کی تباہی کس نے کی کیوں نہ بتاوں؟ علی محمد خان نے مزید کہا ہے کہ پاکستان کا قرضہ اس وقت 41 عشاریہ 5 ارب ڈالر تک ہوگیا ہے،ہم نے ایک ہزار ارب روپیہ اسٹیٹ بینک سے بفر کیش تیار کیا ہے،16 عشاریہ 5 ارب ڈالر کا گزشتہ قرضہ میں اب تک اضافہ ہوا ہے انہوں نے مزید کہا۔ کہ اسحاق ڈار نے 4 سال مصنوعی معیشت چلائی اس موقع پر وزیر مملکت پارلیمانی امور علی محمد خان نے وزارت خزانہ کی جانب سے تحریری جواب پیش کیا جس کے مطابق سال 2018/19 میں حکومت نے 3828 روپے ٹیکس اکھٹا کیاسال 2019/20 میں حکومت نے 3997 روپے ٹیکس اکھٹا کیا گیا ہے سال 2020/21 میں حکومت نے 4745 ارب روپے ٹیکس اکھٹا کیا ،جولائی ستمبر 2020/21 میں امپورٹ 11 ارب 28 کروڑ 61 لاکھ ڈالرز تھیں ،جولائی ستمبر 2020/21 میں ایکسپورٹ 5 ارب 47 کروڑ 18 لاکھ ڈالرز تھیں جولائی ستمبر 2020/21 میں تجارتی خسارہ 5 ارب 81 کروڑ 43 لاکھ ڈالرز تھا جولائی ستمبر 2021/22 میں امپورٹ 18 ارب 74 کروڑ 68 لاکھ ڈالرز تھا جولائی ستمبر 2021/22 میں ایکسپورٹ 6ارب 99 کروڑ 75 لاکھ ڈالر تھا جولائی ستمبر 2020/21 کے مقابلے میں جولائی ستمبر 2021/22 تجارتی خسارے میں 102.08 فیصد تبدیلی تھی۔سینیٹ کا اجلاس پیر کی شام چار بجے تک ملتوی کر دیا گیا ۔